കേരള കോൺഗ്രസിലെ കരുത്തുറ്റ ജനനായകൻ വിട പറഞ്ഞു. അവശേഷിക്കുന്നത് 3 ചോദ്യങ്ങൾക്കുള്ള ഉത്തരങ്ങൾ.

തിരുവനന്തപുരം: കേരള കോൺഗ്രസിലെ വളരെ ശക്തനായ നേതാവായിരുന്നു ശ്രീ കെ.എം.മാണി. അദ്ദേഹത്തിന്റെ നിര്യാണത്തോടെ കേരള കോൺഗ്രെസ്സിനുമുന്നിൽ ഇനി 3 ചോദ്യങ്ങൾക്കുള്ള ഉത്തരങ്ങൾ ബാക്കി.

• ശ്രീ കെ.എം.മാണി വഹിച്ചിരുന്ന പാർട്ടി ചെയർമാൻ സ്ഥാനത്തേയ്ക്ക് ഇനി ആര്?
• നിയമസഭാ കക്ഷി നേതാവ് സ്ഥാനത്തേയ്ക്ക് ആര്?
• പാലാ നിയമസഭ സീറ്റിലേയ്ക്ക് ഇനി ആര് പകരക്കാരൻ?

ശ്രീ.ജോസഫ്- മാണി വിഭാഗങ്ങൾ തമ്മിലുള്ള തർക്കം നിലനിൽക്കേ ഈ ചോദ്യങ്ങൾക്കുള്ള ഉത്തരങ്ങൾ നിർണായകം ആകും. നിലവിൽ ശ്രീ പി.ജെ ജോസഫ് വർക്കിംഗ് ചെയർമാനും മാണിയുടെ മകൻ ജോസ്.കെ.മാണി വൈസ് ചെയർമാനും സി എസ് തോമസ് ഡെപ്യൂട്ടി ചെയര്മാനുമാണ്. ജോസ്.കെ മാണി തന്നെ ചെയർമാൻ സ്ഥാനത്തേയ്ക് വരണം എന്നാണ് മാണി വിഭാഗം നേഎം താക്കളുടെ ആഗ്രഹം. നിലവിലുള്ള തീരുമാനങ്ങൾ അവ്യക്തം ആണ് കേരള രാഷ്ട്രീയം ഉറ്റുനോക്കുന്ന പ്രധാന തീരുമാനങ്ങളാണ് ഇവ.

രമ്യ ഹരിദാസിനെ അവഹേളിച്ച വിജയരാഘവനെതിരെ വനിത കമ്മീഷൻ സ്വമേധയ കേസെടുക്കണം: കെ. ബാബു

ആലത്തൂരിലെ യു ഡി എഫ് സ്ഥാനാർത്ഥി രമ്യ ഹരിദാസിനെതിരെ സഭ്യേതരമായ പരാമർശങ്ങൾ നടത്തിയ എൽ ഡി എഫ് കൺവീനർ എ. വിജയരാഘവനെതിരെ സംസ്ഥാന വനിത കമ്മീഷൻ സ്വമേധയ കേസെടുക്കണമെന്ന് മുൻ മന്ത്രി കെ. ബാബു ആവശ്യപ്പെട്ടു.

സ്ത്രീത്വത്തെ അവഹേളിച്ച വിജയരാഘവൻ മലയാളികൾക്ക് തന്നെ അപമാനമായി മാറിയിരിക്കുകയാണ്. നവോത്ഥാനത്തിന്റെ പേരും പറഞ്ഞ് സ്ത്രീശാക്തീകരണത്തിനായി സർക്കാർ ചെലവിൽ വനിതാ മതിൽ കെട്ടാൻ കല്ലും കട്ടയും ചുമന്ന എൽ ഡി എഫ് കൺവീനർ തന്റെ മകളുടെ പ്രായമുള്ള പെൺകുട്ടിയെ അധിക്ഷേപിച്ചത് നവോത്ഥാനത്തിന്റെ ഭാഗമാണോയെന്ന് സി പി എം വ്യക്തമാക്കണം. രമ്യ ഹരിദാസിനെതിരെ അശ്ലീല പരാമർശങ്ങൾ നടത്തിയ വിജയരാഘവൻ മലപ്പുറം ജില്ലയെ വംശീയമായി അധിക്ഷേപിച്ചതിൽ മാപ്പ് പറയണം, കെ. ബാബു അറിയിച്ചു.